ІНФАРМАЦЫЯ ПА БЕЛАРУСКАЙ КАНФЕРЭНЦЫІ

Святлана Ціханоўская: „Міжнароднай супольнасці трэба надаваць больш увагі сітуацыі ў Беларусі. Беларусам вельмі важна разумець, што пра нас памятаюць і гатовыя дапамагаць. І гэтая Канферэнцыя – добрая магчымасць ізноў узняць пытанне нашай краіны на міжнародным узроўні і абмеркаваць важныя для беларусаў тэмы. Далучайцеся да нас 10 лістапада ў Таліне».”

Маргус Цахкна: “Падчас канферэнцыі вялікі склад актывістаў і экспертаў падзеліцца вопытам барацьбы за свабоду і справядлівасць у Беларусі. Далучайцеся да нас у Таліне 10 лістапада.”

Беларуская Канферэнцыя арганізуецца Міністэрствам замежных спраў Эстоніі ў супрацоўніцтве з Эстонскім інстытутам па правах чалавека, Еўрапейскай фондавай ініцыятывай і лідарам Дэмакратычных сіл Беларусі.

Канферэнцыя будзе адкрытая для актывістаў на карысць дэмакратыі, палітыкаў, экспертаў, журналістаў і лідараў грамадзянскай супольнасці з усяго рэгіёну і дапаможа забяспечыць наяўнасць Беларусі на еўрапейскім парадку дня.

Панельная дыскусія будзе ўключаць тэмы свабоды медыя і ролі грамадзянскай супольнасці, правoў чалавека і адказнасці рэжыму ў Беларусі, а таксама візіі будучай Беларусі.

Дыскусіі будуць акцэнтавацца на сучасных выкліках, з якімі сутыкаюцца беларускі народ і дэмакратычная супольнасць, грамадскае супольнасць і медыя ў кантэксце ўмацавання аўтарытарызму ў Беларусі, а таксама на фоне расійскай агрэсіі супраць Украіны.

Разнастайныя тэмы спрыяюць разуменню выклікаў, з якімі сутыкаецца краіна і яе грамадзяне, і спрыяюць канструктыўнаму дыялогу пра стварэнне лепшай будучыні.

Хэдланерамі Канферэнцыі будуць лідарка Дэмакратычных сіл Беларусі, спадарыня Святлана Ціханоўская, і Міністр замежных спраў Эстоніі, спадар Маргус Цахкна.